I kantina på Berte Kanuttehuset var det dekka langbord med plass til alle. Fine serviettar og smellbongbongar på bordet. Borna kosa seg både med saft, god mat og is til dessert. Latteren satt laust rundt bordet og stemninga var god slik som det skal vere på julebord.

Det er takka vere eit godt samarbeid mellom avdelingane i studentsamskipnaden at vi får til dette. I den nye Studentsamskipnaden i Volda vil vi ha fokus på samarbeid og i framtida vil det vere fleire ting vi skal gjere saman.

13. desember, på Luciadagen gikk borna i Luciatog med vakker song i kantina. Vi håper studentane fekk eit koselig avbrekk i den elles så travle eksamenstida, vi fekk i alle fall mange smil.